மதுராந்தகம், தாராபுரம் இடைத்தேர்தல் தவெக பொறுப்பாளர்கள் நியமனம் :

மதுராந்தகம், தாராபுரம் தொகுதி இடைத்தேர்தலுக்கு தவெக சார்பிலான தேர்தல் பொறுப்பாளர்களை அக்கட்சியின் தலைவரும், தமிழக முதல்வருமான விஜய் அறிவித்துள்ளார்.

இதுகுறித்து தவெக தலைவரும், முதல்வருமான விஜய் வெளியிட்ட அறிக்கையில், ‘வருகின்ற அக்டோபர் 6-ம் தேதி நடைபெற உள்ள மதுராந்தகம் மற்றும் தாராபுரம் ஆகிய சட்டமன்றத் தொகுதிகளுக்கான இடைத்தேர்தல் பணிகளை மேற்கொள்ளத் தேர்தல் பணிக்குழுவும், பணிகளைக் கண்காணிக்க தேர்தல் கண்காணிப்பாளர்களும் நியமிக்கப்படுகிறார்கள்.

தேர்தல் கண்காணிப்பாளர்களாக அமைச்சர்கள் ஆனந்த், செங்கோட்டையன், நிர்மல் குமார் ஆகியோர் நியமிக்கப்பட்டுள்ளனர்.

மதுராந்தகம் தொகுதி பொறுப்பாளராக அமைச்சர் ஆதவ் அர்ஜுனாவும், இணைப் பொறுப்பாளர்களாக அமைச்சர்கள் பி.ராஜ்குமார், தென்னரசு, வினோத் ஆகியோர் நியமிக்கப்படுகிறார்கள்.

துணைப் பொறுப்பாளர்களாக சோழிங்கநல்லூர் எம்எல்ஏ சரவணமூர்த்தி, செங்கல்பட்டு எம்எல்ஏ தியாகராஜன், திருப்போரூர் எம்எல்ஏ விஜயராஜ், பல்லாவரம் எம்எல்ஏ காமாட்சி, செங்கல்பட்டு தெற்கு மாவட்டக் கழகச் செயலாளர் பாலாஜி (எ) மணிகண்டன் ஆகியோர் நியமிக்கப்படுகிறார்கள்.

தாராபுரம் சட்டமன்றத் தொகுதி பொறுப்பாளராக அமைச்சர் அருண்ராஜ், இணைப் பொறுப்பாளர்களாக அமைச்சர்கள் விஜய் பாலாஜி, விஜயலட்சுமி, லோகேஷ் தமிழ்ச்செல்வன் ஆகியோர் நியமிக்கப்படுகின்றனர்.

துணைப் பொறுப்பாளர்களாக திருப்பூர் தெற்கு தொகுதி எம்எல்ஏ பாலமுருகன், திருப்பூர் வடக்கு தொகுதி எம்எல்ஏ சத்தியபாமா, பல்லடம் எம்எல்ஏ ராம்குமார், நாமக்கல் எம்எல்ஏ திலீப், கிருஷ்ணராயபுரம் எம்எல்ஏ சத்யா ஆகியோர் நியமிக்கப்பட்டுள்ளனர்.