News & Ad: 75025 54555
தங்கம்:
₹ 11465
வெள்ளி:
₹ 175

தூத்துக்குடி மாநகராட்சி பகுதியில் திமுக ஆட்சியின் திட்டங்கள்தான் மக்களைப் பாதுகாத்து வருகின்றன : மேயா் ஜெகன் :

21 Nov, 2026 — 05:21 PM
தூத்துக்குடி மாநகராட்சி பகுதியில் திமுக ஆட்சியின் திட்டங்கள்தான் மக்களைப் பாதுகாத்து வருகின்றன : மேயா் ஜெகன் :

தூத்துக்குடி மாநகராட்சி பகுதியில் நடைபெறும் பணிகளை பாா்வையிட்டு புதிய பணிகளையும் ஆய்வு செய்து வரும் நிலையில் 3ம் மைல் முதல் மில்லா்புரம் வரை நடைபெற்று வரும் பக்கிள்ஓடையை அகலப்படுத்தும் பணியையும் நீரோட்டத்தையும் மாநகராட்சி மேயா் ஜெகன் பொியசாமி பாா்வையிட்டு ஆய்வு செய்த பின் கூறுகையில், வடகிழக்கு பருவமழை காலங்களில் மாநகராட்சி பகுதியில் பெய்யக்கூடிய தொடர் கனமழை காரணமாக மழை வெள்ளநீர் மாநகரின் மையப் பகுதியில் அமைந்துள்ள பக்கிள் ஓடை வழியாக கடலுக்கு செல்கிறது.

கடந்த 2015 மற்றும் 2023ம் ஆண்டுகளில் பெய்த தொடர் கனமழையின் காரணமாக மாநகராட்சி பகுதிகளில் இருந்து பக்கிள் ஓடைக்கு பெருமளவிலான மழை நீர் குறைந்த அகலம் உடைய பக்கிள் ஓடைக்கு வர முடியாத நிலையில் குடியிருப்பு பகுதிகளில் உட் புகுந்து பொதுமக்களின் இயல்பு வாழ்க்கை பெரிதும் பாதிக்கப்பட்டது.

இந்நிலையில் 2021ல் பெய்த பெரும் மழையின் காரணமாக தூத்துக்குடி முத்தம்மாள் காலணி ராம்நகா் பிரையண்ட் நகா் அம்பேத்காா் நகா் உள்ளிட்ட பல பகுதிகளில் மழைநீர் தேங்கி பொதுமக்கள் பாதிப்படைந்த காலக்கட்டத்தில் எதிா்கட்சி தலைவராக இருந்த ஸ்டாலின் நோில் வந்து பாா்வையிட்டாா்.

இதையடுத்து பல்வேறு வகையில் பாதிக்கப்பட்ட இடங்களில் புதிதாக 14 வழித்தடங்கள் உருவாக்கப்பட்டு அந்த பகுதியில் மழைநீா் தேங்காத வகையில் நடவடிக்கை எடுக்கப்பட்டுள்ளது.

2023ம் ஆண்டில் 100 ஆண்டுகளில் பெய்யாத கனமழை பெய்த நேரத்தில் பல பகுதிகளில் 40 நாட்கள் வரை மழை நீர் தேங்கியிருந்த காலம் மாறி இந்த வழித்தடங்கள் உருவாக்கப்பட்டதின் காரணத்தாலும் பல்வேறு போா்கால நடவடிக்கை எடுக்கப்பட்டதின் மூலம் 10 நாட்களில் சகஜ நிலைக்கு எல்லோரும் வரும் நிலையை மாநகராட்சி நிா்வாகம் உருவாக்கியது.

இனி வரும் காலங்களில் இதுபோன்ற நிகழ்வுகளை எதிர்கொள்ளும் நேரங்களில் மழை வெள்ளநீர் எளிதாக பக்கிள் ஓடைவழியாக கடலுக்கு செல்லும் வகையில் பக்கிள் ஓடையின் அகலத்தை கூடுதலாக 5 மீட்டர் அளவில் அகலப்படுத்தி எப்.சி.ஐ குடோன் முதல் திரேஸ்புரம் கடற்கரை வரை அகலப்படுத்தி மேம்படுத்தும் பணிக்கு ரூ.53 கோடியே 70 லட்சம் மதிப்பீட்டில் நிதிஓதுக்கீடு செய்து 7.5 கிலோமீட்டா் தூரம் நடைபெறும் அகலப்படுத்தும் பணி ஜனவாி 2026ல் துவங்கியுள்ளது.

இதன் பல்வேறு பகுதியில் குடிநீர் குழாய் பைப்லைன்களும் சில பகுதிகளில் டிரான்ஸ்பாா்மா் இருந்து வருகிறது.

விாிவாக்கம் செய்யும் போது அதிலும் பாதிப்புகள் ஏற்படுகிறது.

இதையும் சீா்படுத்தி அந்த பணி தூிதமாக நடைபெற்று வருகிறது.

இந்த பணி முழுமையடைவதற்கு குறைந்தபட்சம் அடுத்த ஆண்டும் ஏப்ரல் மாதத்திற்குள் நிறைவு பெறும் அப்பணிகள் நடைபெறும் போது 30 சென்டிமீட்டா் வரை கனமழை பெய்தாலும் தூத்துக்குடி மாநகராட்சி பகுதி மக்களுக்கு எந்த பாதிப்பும் வராத வகையில் நடவடிக்கைளை மேற்கொண்டுள்ளோம்.

என்று மேயா் ஜெகன் பொியசாமி கூறினாா்.

ஆய்வின் போது கவுன்சிலா்கள் சந்திரபோஸ், கண்ணன், கனகராஜ், இசக்கிராஜா, பகுதி செயலாளர் ரவீந்திரன், போல்பேட்டை பகுதி பிரதிநிதிகள் பிரபாகா் ஜேஸ்பா் உள்பட மாநகராட்சி அலுவலா்கள் பலா் உடனிருந்தனா்.

1

கருத்துக்கள்