தூத்துக்குடியில் வங்கி அதிகாரி போன்று செல்போனில் பேசி பெண்ணிடம் ரூ.1 லட்சம் மோசடி செய்த மர்ம நபரைச் சைபர் குற்றப்பிரிவு போலீசார் தேடி வருகின்றனர்.
தூத்துக்குடியைச் சேர்ந்த பெண் ஒருவருக்குத் தொலைபேசியில் அழைத்த மர்ம நபர், வங்கி அதிகாரி எனக் கூறி ஏ.டி.எம்.கார்டு விவரம் மற்றும் ஓ.டி.பி.எண்ணைப் பெற்று ரூ.1லட்சம் மோசடி செய்துள்ளார்.
தூத்துக்குடியைச் சேர்ந்த பெண் ஒருவரின் செல்போனுக்கு அண்மையில் அழைப்பு வந்துள்ளது.
அதில் பேசிய மர்ம நபர், தன்னை ஒரு வங்கி அதிகாரி என அறிமுகப்படுத்திக் கொண்டுள்ளார்.
தொடர்ந்து அந்தப் பெண்ணிடம், "உங்களது ஏ.டி.எம் கார்டு காலாவதியாகிவிட்டது; அதனை உடனடியாகப் புதுப்பித்துத் தருகிறோம்" என ஆசை வார்த்தை கூறியுள்ளார்.
இதனை உண்மை என நம்பிய அப்பெண், தனது ஏ.டி.எம்.கார்டு எண்ணையும், செல்போனுக்கு வந்த ரகசிய குறியீட்டு எண்ணையும் (OTP) அந்த மர்ம நபரிடம் தெரிவித்துள்ளார்.
இதையடுத்துச் சிறிது நேரத்திலேயே அந்தப் பெண்ணின் வங்கிக் கணக்கிலிருந்து ரூ.1 லட்சம் பணம் மர்ம நபரால் மோசடியாகத் திருடப்பட்டது தெரியவந்தது.
இதனால் அதிர்ச்சியடைந்த அப்பெண், தூத்துக்குடி சைபர் குற்றப்பிரிவு காவல் நிலையத்தில் புகார் அளித்தார்.
அதன் பேரில் போலீசார் வழக்குப் பதிவு செய்து, பணத்தை மோசடி செய்த மர்ம நபரைத் தீவிரமாகத் தேடி வருகின்றனர்.
கருத்துக்கள்